Din ke ham kám kari, rát ke dekhi sapná,
ájá ke surat láge, thorá-thorá apná.

Hamár jahajwá ke nám ná Lálá Rookhwá
deswá ke nám bhail Nederland, babuá.

K.L.M. se urli ham chorli Sarnamwá
yád jab tor áil khoje calli itihaswá

Ekar kathá ke ras ná hai pancámritwá
kathwá ke kassak kas ke kasle bá mor citwá

Káhen u Bhárat choris, ito ham samjhilá
Bhárat oke náhi choris, uto ham sahilá