Hatibron lobi
Yu nanga mi
meki un dray un baka na den
efu den e sori, dati wi n’e si
na soso wi
Yu nanga mi
meki un tapu un yesi gi den
efu den e kosi, dati wi n’e yere
na soso wi

Yu nanga mi
meki un frigiti den takru trawan
efu den de, dati wi no sabi
na soso wi

Yu nanga mi
meki un tapu un ay, alatu
efu den ay e naki, dati wi n’e firi
na soso wi

Yu nanga mi
meki un naki den dyarusu prakseri
if den e tanter’un, dati wi kan feti
na soso wi

Yu nanga mi
meki den fadon fu a grontapu
if wi ben kan, wi ben sa du
dan na soso wi